成日話生得靚女咩都著數啲,咁唔知包唔包括從政在內呢?最近爆出兩位政界新血,唔單止係鮮有嘅女將,個樣仲生得好有明星相添噃!佢地分別被人叫做「社民連張栢芝」同埋「匯賢鄧麗欣」,有幾似就見人見智啦,但美人計喺古今政場上都係有用嘅!新聞一出當日,唔少人喺雅虎search佢地,尤其係「社民連張栢芝」林采薇,搜尋人氣尤勝正版栢芝十倍以上!你都咪話唔厲害!
人氣主頁
- 搜尋人氣榜
論今期至hit金句,唔使諗一定係呢句「我有少少鍾意咗佢!」啦,人氣熱爆全城嘅「萬寧妹妹」王允祈,憑著佢精靈可愛嘅表情迷到唔少粉絲,日前仲同林峰做埋十大中文金曲嘅頒獎嘉賓,搶晒鏡!原來小妹妹喺雅虎人氣榜亦係冠軍人馬,本周「萬寧妹妹」及「王允祈」嘅相關尋搜共錄接近一萬之多,令人仔細細嘅允祈打敗其他哥哥姐姐成為娛樂焦點人物No.1!
土瓜灣馬頭圍道45號今日下午發生唐樓倒塌慘劇,令該路段一度混亂,大批消防員到現場搜索救援,暫時已知救出5人,其中一名女子經搶救後不治。市民對事件感到十分震驚,新聞甫出,「馬頭圍道」馬上成為雅虎新聞的熱門搜查字,據悉塌下的唐樓有超過50年樓齡,希望是次事件能加強市民對樓宇維修的意識。快用雅虎新聞搜尋器追蹤事件最新狀況!